gatra sintaksis

TUGAS MATA KULIAH

SINTAKSIS

Oleh :

1.     Dyah Yuanita               (13020114037)

2.     Fidya Nur Khafidho     (13020114044)

3.     Ariska Anggraini          (13020114049)

PROGRAM STUDI S-1 PEND.BAHASA & SASTRA DAERAH

FAKULTAS BAHASA DAN SENI

UNIVERSITAS NEGERI SURABAYA

TAHUN 2014

KATA PENGANTAR

Puji syukur kehadirat Allah SWT yang sudah memberikan taufik, hidayah, serta inayahnya sehingga kita semua masih beraktivitas sebagaimana seperti biasanya, sehingga kami bisa menyelesaikan tugas pembuatan makalah sintaksis.

Makalah ini menjelaskan mengenai sufiks (akhiran). Makalah ini disusun supaya para pembaca bisa menambah wawasan serta memperluas ilmu sintaksis mengenai gatra yang kami sajikan di dalam sebuah susunan makalah yang ringkas, mudah untuk dibaca serta mudah untuk dipahami.

Semoga makalah ini bisa bermanfaat untuk para pembaca serta memperluas wawasan. Dan kami menyadari bahwa dalam pembuatan makalah ini masih jauh dari sempurna, untuk itu kami mohon maaf atas kekurangan-kekurangannya.

Surabaya,

Penulis

DAFTAR ISI

KATA PENGANTAR.................................................................................  I

DAFTAR ISI  .............................................................................................   II

GATRA          .............................................................................................   1

1.1              Pangertine Gatra..................................................................   1

1.2              Mapanane gatra kang bisa owah gingsir ing sajroning ukara....................................................................................   1

1.3              Wujude gatra........................................................................  2

1.4              Gatra-gatra bebakune pambanguning ukara........................   2

JINIS-JINISE GATRA................................................................................. 3

            2.1 Gatra mawa punjer......................................................................  3

                        2.2 Gatra mawa punjer maneka warna..............................................  3

2.3 Gatra Sajajar................................................................................ 3

2.4 Gatra aran sajajar......................................................................... 5

2.5 Gatra kriya sajajar........................................................................ 5

2.6 Gatra kaanan sejajar....................................................................  6

2.7 Gatra katrangan sajajar................................................................ 6

2.8 Gatra leliru ( sesulih )..................................................................  6

2.9 Gatra mawa punjer awatesan....................................................... 7

2.10 Gatra aran................................................................................... 7

2.11 Gatra kriya...................................................................................7        

2.12 Gatra Kaanan...............................................................................8

2.13 Gatra katrangan........................................................................  8

2.14 Gatra tanpa punjer..................................................................... 8

PANUTUP     ..................................................................................................10

                                                                 GATRA

1.      Pangertine Gatra

            Miturut Keraf (ing Rusyana lan Samsuri, Ed., 1978:77) ngandharake, gatra iku dhapuring basa kang kedadean saka rong tembung utawa luih, manawa katiti saka pambangune, lungguhe padha karo salah sijining tembung kang ora darbe kalungguhan dadi jejer utawa wasesa ing sajroning pambanguning ukara.

            Gatra iku darbe sipat loro, yaiku (1) gatra mujudake dhapuring basa kang kedadean saka rong tembung utawa luwih, lan (2) gatra mujudake dhapuring basa kang ora ngliwati wewatesaning kalungguhan ing ukara gatra utawa ukara.

            Sesipate dhapuring gatra ana telung perkara, yaiku (1) mapanane gatra kang bisa owah gingsir ing sajroning ukara, (2) wujude gatra, lan (3) gatra-gatra bebakune pambanguning ukara.

1.      Mapanane gatra kang bisa owah gingsir ing sajroning ukara

Gatra-gatra ing sajroning ukara mapane bisa owah gingsir, anggere ora ngowahi surasaning edharing gagasan ing ukara kang dadi bebakune.

Tuladha :

Vilda wis winisudha dening rektor Unesa semester kepungkur.

Ukara ing dhuwur kedadeyan saka 4 gatra, yaiku :

a.       Vilda

b.      Wis winisudha

c.       Dening rektor Unesa

d.      Semester kepungkur

Owah gingsire mapane gatra-gatra mau, bisa ana ukara-ukara :

a.       Semester kepungkur, Vilda wis winisudha dening rektor Unesa.

b.      Semester kepungkur, Vilda dening rektor Unesa wis winisudha.

c.       Semester kepungkur, wis winisudha dening rektor Unesa Vilda.

d.      Vilda, semester kepungkur wis winisudha dening rektor Unesa.

e.       Vilda, wis winisudha semester kepungkur dening rektor Unesa.

 Gatra ing sajroning ukara ora njalari owah-owahing surasa wedharing gagasane, anggere gatra-gatra ora dipecah-pecah, sebab gatra mujudake praboting titi ukara kang paling ringkes, lan minangka pambanguning titi ukara.

2.      Wujude gatra

Kapilah dadi loro:

A.    Tembung minangka gatra

Katiti saka wujude, gatra iku kudune awujud kalumpukaning tembung. Nanging, katiti saka dhapuring titi ukara, ing kene bisa kedadean manawa salah sijining praboting titi ukara iku mung kedadean satembung.

Tuladha :

·         Adhik / mangan / masakanku.

·         Dheweke / nampani / dhuwitku

·         Ibu / nulungi / aku.

B.     Kalumpuking tembung minangka gatra

Tuladha :

·         Rambute bocah wadon iku / dhawa banget.

·         Kampusku / ora adoh / saka gang 7.

·         Kahanane desaku / tansah / ayem lan tentrem.

3.      Gatra-gatra bebakune pambanguning ukara

Tanpa niti cacahing gatra kang ana ing sawijining ukara, sanajan ukara iku rowa, sejatine bisa kapilah dadi rong gatra bae minangka pambanguning ukara.

Tuladha :

·         Ibune // wong dodol sayur.

·         Omahe // telung tingkat.

·         Guyune // garai kesengsem

Gatra 1 : diarani lajer, yaiku gatra kang dicritakake

Gatra 2 : diarani andharan, yaiku gatra kang nyaritakake

Gatra kang dicritakake (lajer) lan gatra kang nyaritakake (andharan) mujudake gatra bebakune pambanguning ukara. Ing rembug bab paramasastra Jawa gatra kang dicritakake uga jejer, lan gatra kang nyaritakake diarani wasesa.

2. Jinis-jinise Gatra

katiti saka gayute angga pambangune gatra, gatra bisa kapilah dadi :

1. gatra mawa punjer

2. gatra tanpa punjer

2.1 Gatra mawa punjer

Gatra mawa punjer, ing ilmu basa diarani frasa endosentris, yaiku kalumpuking tembung kang sebarane lan kalungguhane padha karo salah sijining angga pambangune. Kanthi tembung liya, gatra mau angga- anggane sumebar karo punjere. Katiti saka pambangune, gatra mawa punjer kapilah dadi loro yaiku :

a. Gatra mawa punjer maneka warna

b. Gatra mawa punjer awatesan

2.2 Gatra mawa punjer maneka warna

Gatra mawa punjer maneka warna yaiku gatra mawa punjer kang punjere luwih saka siji. Katiti angga- angga pambangune, gatra mawa punjer maneka warna bisa kapilah dadi loro :

1. Gatra sajajar

2. Gatra leliru

2.3 Gatra Sajajar

Gatra sajajar, ing ilmu basa diarani frasa koordinatif, yaiku gatra kang angga- anggane darbe kalungguhan sejajar, nanging ngandharake pangerti kang maneka warna utawa beda- beda.

Wujude lan polane gatra sajajar bisa katiti :

1.      Dhapur pilihan utawa misahake

2.      Gatra sajajar kanthi dhapur pilihan utawa misahake, yaiku ing antarane angga-anggane nuduhake pilihan utawa misahake. Tembung panggadheng kang dianggo yaiku utawa, uga tembung panerange kaanan apa.

Tuladha:

a. Kula napa Manon? (Jaya Baya, No. 28 Minggu II Maret 2014)

b. Aja malah dibuwang utawa dilepeh. (Jaya Baya, No. 28 Minggu II Maret 2014)

c. Sak ukara utawa rong ukara. (Jaya Baya, No. 28 Minggu II Maret 2014)

2. Dhapur nuwuhi

Gatra sajajar kanthi dhapur nuwuhi, yaiku antarane angga- anggane nuduhake supaya luwih terange utawa mbangetake. Tembung panggandheng kang bisa dianggo, umpamane tur, lan, sarta, karo, banjur, nuli/tumuli.

Tuladha :

a.       luwih lemu lan dhuwur  (Jaya Baya No. 7 Minggu II Oktober 2013)

b.      tentrem lan ayem  (Jaya Baya No. 7 Minggu II Oktober 2013)

c.       tuwuh lan mekar  (Jaya Baya No. 7 Minggu II Oktober 2013)

3. Dhapur gabungan

Gatra sajajar dhapur gabungan, yaiku ing antarane angga anggane nuduhake nggabungake.

Tembung panggandheng kang bisa dianggo, umpamane lan, saha, sarta, dalah.

Tuladha :

a. Ibu, bapak, mas lan adhikku (Jaya Baya No. 28 Minggu II Maret 2014)

b. Jeneng-jenenge uga maneka warna kayata, Wasis Basa, buku Basa Jawa Tataran Anyar, Kridha Basa, Pinter Basa, memetri Basa, Widya Basa lan Trampil Basa. (Jaya Baya No. 28 Minggu II Maret 2014)

c. Malah ana buku amung wujud gegambaran tur full color. (Jaya Baya No. 28 Minggu II Maret 2014)

d. omah lan kantor  (Jaya Baya No. 7 Minggu II Oktober 2013)

e. topeng lan kostum  (Jaya Baya No. 7 Minggu II Oktober 2013)

Katiti saka jinise gatra sajajar kapilah dadi :

a. Gatra aran sajajar

b. Gatra kriya sajajar

c. Gatra kaanan sajajar

d. Gatra katrangan sajajar

2.4 Gatra aran sajajar

Yaiku kalumpukaning tembung loro utawa luwih minangka gatra kang angga- angga pambangune kalebu jinise tembung utawa gatra aran.

Tuladha :

a. Barang-barang ing dhuwur meja lan lemari wutuh. (Jaya Baya No. 28 Minggu II Maret 2014)

b. Kewan reptil lan Amfibi. (Jaya Baya No. 28 Minggu II Maret 2014)

c. Ana sing rupane kuning, ungu, lan ijo. (Jaya Baya No. 28 Minggu II Maret 2014)

2.5 Gatra kriya sajajar

yaiku kalumpukaning tembung loro utawa luwih minangka gatra kang angga- angga pambangune kalebu jinise tembunng utawa gatra kaanan.

Tuladha :

a. Cara liyane bisa gawe jus anggur digiling saisine lan kulite, banjur di ombe. (Jaya Baya No. 28 Minggu II Maret 2014)

b. Mulane cepet-cepet aku njangkah karo mencolot. (Jaya Baya No. 28 Minggu II Maret 2014)

c. Nyetir karo mikir, sepedhahku ngglewar. (Jaya Baya No. 28 Minggu II Maret 2014)

2.6 Gatra kaanan sejajar

yaiku kalumpukaning tembung loro utawa luwih minangka gatra kang angga- angga pambangune kalebu jinise tembung utawa gatra kaanan.

Tuladha :

a. Ati cuwa bablas anjlog keseret ati sing kebak pangajab lan jubriya sadurunge. (Jaya Baya No. 28 Minggu II Maret 2014)

b. Nadyan aku bocah weton saiki, nanging yen meruhi buku-buku jaman biyen rasane seneng lan kesengsem. (Jaya Baya No. 28 Minggu II Maret 2014)

2.7 Gatra katrangan sajajar

Yaiku kalumpukaning tembung loro utawa luwih minangka gatra kang angga- angga pambangune kalebu jinise tembung utawa gatra katrangan.

Tuladha :

a.       Kulina urip kepenak lan apa-apa sarwa ana mung kari aba. (Jaya Baya No. 7 Minggu II Oktober 2013)

b.      Jaman biyen lan saiki buku pelajaran Basa Jawa kang diwulangke ing sekolahan bedane akeh.  (Jaya Baya No. 28 Minggu II Maret 2014)

2.8 Gatra leliru ( sesulih )

yaiku gatra kang punjer- punjere ngandharake pangerti kang padha, kalumpuking punjer kekarone iku ora mawa panggandheng. Gatra leliru umume ana ing tatarane gatra aran.

Tuladha :

a. Iku mas Hamdan, putrane Pak Kades, mantri ing desa. (Jaya Baya No. 28 Minggu II Maret 2014)

2.9 Gatra mawa punjer awatesan

yaiku gatra kang punjere mung siji kang punjere mung siji kang watesane bisa mapan ing sangarepe utawa sawise punjere. Ing kene, punjere apa dene watesane bisa kadadeyan saka salah sijine jinising tembung, kaya ta tembung aran, kriya, kaanan, utawa tembung katrangan.

Katiti saka punjere, bisa kapilah :

1. gatra aran

2. gatra kriya

3. gatra kaanan

4. gatra katrangan

2.10 Gatra aran

yaiku gatra mawa punjer awatesan kang punjere mujudake tembung aran

Tuladha:

a. Aja ngono wong ayu. (Jaya Baya No. 7 Minggu II Oktober 2013)

b. Dheweke tekan rumah makan. (Jaya Baya No. 7 Minggu II Oktober 2013)

c. Wong wadon kuwi ora aweh respon babar pisan. (Jaya Baya No. 7 Minggu II Oktober 2013)

2.11 Gatra Kriya

Yaiku gatra mawa pujer awatesan kang punjere mujudake tembung kriya.

Tuladha :

a. Dheweke lagi blanja. (Jaya Baya No. 7 Minggu II Oktober 2013)

b. Aku ora ngerti arep menyang ngendi tujuanku. (Jaya Baya No. 7 Minggu II Oktober 2013)

2.12 Gatra Kaanan

yaiku gatra mawa pujer awatesan kang punjere mujudake tembung kaanan.

Tuladha :

a.       Atiku seneng banget. (Jaya Baya No. 7 Minggu II Oktober 2013)

b.      Pawongan kasebut mirip banget aku. (Jaya Baya No. 7 Minggu II Oktober 2013)

c.       Pak Ganjar remen sanget bilih Mbak Erita saged medal saking griya mriku. (Jaya Baya No. 7 Minggu II Oktober 2013)

d.      Soe Hok Gie lagi ngrasa rasa sepi kang gedhe banget ing njero atine. (Jaya Baya No. 7 Minggu II Oktober 2013)

2.13 Gatra Katrangan

yaiku gatra mawa pujer awatesn kang punjere mujudake tembung katrangan.

Tuladha :

a.       Ora watara suwe katon wewayangane sawijining Kenya kang ora bias dak lalekake. (Jaya Baya No. 7 Minggu II Oktober 2013)

b.      Sujune dina sabtu napag rewele anakku. (Jaya Baya No. 7 Minggu II Oktober 2013)

2.14  Gatra Tanpa Punjer

Gatra tanpa punjer yaiku kalumpuking tembung kang sebarane nggenahake ing antarane angga-angga pambangune. Amarga angga-anggane sebarane ora sajajar, mula gatra iki bisa diarani tanpa punjer. Kanthi tembung liya, gatra tanpa punjer iku gatra kang ora darbe sebaran kang padha, ing kene angga-anggane kedadeyan saka rong perangan, yaiku panggandheng kang arupa tembung ancer-ancer utawa pratikel, lan sumbu kang arupa tembung utawa kalumpuking tembung. Katiti saka jinise panggandhenge, gatra tanpa punjer bias kapilah dadi loro, yaiku :

1.      Gatra mawa ancer-ancer

Yaiku gatra kang nggunakake panggandheng arupa tembung ancer-ancer. Gatra iki sebarane nggenahake ing angga-anggane, bisa uga ing panggandhenge utawa ing sumbune
Tuladha : sasampunipun dados pres-presan lajeng kalebetaken ing panggarangan (JB No.3 september 2014)

2.      Gatra mawa lataran

Yaiku gatra kang nggunakake saliyane panggandheng tembung ancer-ancer
Tuladha :mujudaken run-tumurun ingkang dipun angge mligi ing upacara (JB No. 03 kaca 11 minggu 3 September 2014)

PANUTUP

Gatra iku dhapuring basa kang kedadean saka rong tembung utawa luih, manawa katiti saka pambangune, lungguhe padha karo salah sijining tembung kang ora darbe kalungguhan dadi jejer utawa wasesa ing sajroning pambanguning ukara. Gatra-gatra ing sajroning ukara mapane bisa owah gingsir, anggere ora ngowahi surasaning edharing gagasan ing ukara kang dadi bebakune.

Tanpa niti cacahing gatra kang ana ing sawijining ukara, sanajan ukara iku rowa, sejatine bisa kapilah dadi rog gatra bae minangka pambanguning ukara. Gatra kang dicritakake (lajer) lan gatra kang nyaritakake (andharan) mujudake gatra bebakune pambanguning ukara. Ing rembug bab paramasastra Jawa gatra kang dicritakake uga jejer, lan gatra kang nyaritakake diarani wasesa.

Gatra tanpa punjer yaiku kalumpuking tembung kang sebarane nggenahake ing antarane angga-angga pambangune. Amarga angga-anggane sebarane ora sajajar, mula gatra iki bisa diarani tanpa punjer. Kanthi tembung liya, gatra tanpa punjer iku gatra kang ora darbe sebaran kang padha, ing kene angga-anggane kedadeyan saka rong perangan, yaiku panggandheng kang arupa tembung ancer-ancer utawa pratikel, lan sumbu kang arupa tembung.